Overblog Suivre ce blog
Editer la page Administration Créer mon blog

Presentacion

  • : ERALDICA OCCITANA
  • ERALDICA OCCITANA
  • : Aqueste blòg a per tòca d'estudiar e de presentar l'istòria e lo patrimòni eraldic occitan. L'espaci estudiat s'espandis sus l'ensemble del domeni de la lenga d'òc de l'Auvernha als Pirenèus e de l'Ocean Atlantic als Alps. L'epòca privilegiada es l'Edat-Mejana (12en-15en sègles) sens, çaquelà, daissar los sègles seguents dins l'ombra. JONHÈTZ-NOS e participatz al projècte !
  • Contact

Recèrca

/ / /

Una centena de comunas e sèt despartaments occitans an, dins sei armariás, una crotz clechada, vuidada e pometada de dotze pèças mai conoissuda dau public per son nom de crotz de Tolosa. Lo mai sovent figurada dins son vestit costumièr d'aur sus un camp de vermelh, si pòu presentar tanben dins d'autreis esmauts : l'azur per Auradèr, Genolhac, Lo Crèst ò Gralhen, ò lo negre per Lavernòsa-Lacaça e Metàmias.

 

 comunas.png

 

Dins tot l’espandi occitan es ela que ven afortir, sus lo blason dei grandei comunautats urbanas coma dei mendrei vilatjons (d’unei que i a còmptan pas mai de quauquei desenas d’abitants), que durant un millenari a quicòm près i aguèt aicí — dis Aup i Pirenèu — coma vouguèt l’afortir lo poèta de Malhana, una astrada comuna, amb una lenga comuna dins l’arc-de-seda de sa diversitat dialectala. Una astrada e una istòria que ne pòrtan testimònis encara uèi lei muralhas de nòstreis vilas, lei castèus, lei glèisas e totei lei monuments dau patrimòni bastit dei país d’Òc tant coma leis armariás comunalas, tròp sovent ailàs neglegidas, oblidadas ò ramplaçadas — sot l’escampa d’una faussa modernitat — per de logos d’una eficacitat mau-segura.



Lei blasons representats aicí son estats dessenhats per Jean-Paul Fernon qu’avèm consultat tamben per quauquei precisions tocant d’unei blasonaments, e que remerciam a la fes per son gentum, sei competéncias e sa totala disponibilitat.



Aquí doncas la tièra dei despartaments e dei comunas qu’arboran una crotz de Tolosa dins seis armariás, e lo blasonament que prepausam d’aqueleis armariás.

 

 

 

 

 

COMUNAS

 


 

AGEN D'AVAIRON — AGEN D'AVEYRON (Avairon) Agen d-Aveyron 12

De sinòple a la cròça adestrada d’un leopard leonat e senestrada d’un garric arrancat, lo tot d’aur; mantelat engrelat d’argent a una crotz clechada, vuidada e pometada de dotze pèças d’aur costejada de dos fais de lenha de sable.

  

  




                                                                                         © J.-P. Fernon










AlbiARs — ALBIAS (Tarn e Garona) Albias 82

 De vermelh a la faissa ondada d’argent cargada d’un leon d’azur e acompanhada en cap d’una crotz clechada, vuidada e pometada de dotze pèças e en poncha de doas espasas passadas en sautor, lo tot d’aur.

 

  © J.-P. Fernon

 

 

 

 

 

 

 

 

 

 

 

 

 

 

ANSINHAN — Ansignan (Pirenèus Orientals) Ansignan-66.jpg

De vermelh a la crotz clechada, vuidada e pometada de dotze pèças d’aur, au pòrta-aiga en cómol d’argent de nòu arcas de negre.

 

 

 

 

 

  © J.-P. Fernon

 

 

 

 

 

 

 

 

 

 

 

 

 

Arblada lo Baish — Arblade le Bas (Gèrs) Arblade-le-bas-32.jpg

Partit : au premièr de vermelh a la crotz clechada, vuidada e pometada de dotze pèças d’aur, au segond d’argent au leon de vermelh.

 

 

 

 

 

  © J.-P. Fernon

 

 

 

 

 

 

 

 

 

 

 

 

Arpajon (Essonna) Arpajon--91-.jpg       

Escartairat : au premier de vermelh a la crotz clechada, vuidada e pometada de dotze pèças d’aur, au segond d’argent ai quatre paus de vermelh, au tresen dau meteis a l’arpa d’aur, au quatren d’azur ai tres flordalís tanben d’aur, au bastonet de vermelh mes en barra ; sobre lo tot de vermelh a la crotz de Malta d’argent.

 

 

 

 

  © J.-P. Fernon

 

 

 

 

 

  

  

  • Artés — ARTHÈS (Tarn)

De vermelh a la barra d’aur cargada d’un pònt de tres arcas de negre carnelat de cinc pèças, acompanhat en cap d’una croseta clechada, vuidada e pometada de dotze pèças d’aur; au cap cordurat d’azur semenat de flordalís.                    

 

Artigas — ARTIGUES (Auts Pirenèus)     

D’argent a l’aubre terrassat de sinòple costejat de dos ases afrontats de negre; au cap d’azur cargat d’una croseta clechada, vuidada, pometada de dotze pèças d’aur costejada de doas estèlas dau meteis.

 

Aubòrn — Aubord (Gard) Aubord-30.jpg

Escartairat en sautor : au premier de vermelh a la crotz clechada, vuidada e pometada de dotze pèças, tanben vuidadas, d’aur ; au segond d’argent ai sièis besants de vermelh, 3, 2 e 1 ; au tresen d’argent ai tres faissas ondadas entadas d’azur ; au quatren de vermelh au rescòntre de taur de negre abrat e embanat d’argent.

 

 

 

  © J.-P. Fernon

 

 

 

 

 

 

 

 

 

 

 

 

Auradèr Auradé (Gers) Aurade-32.jpg

D’azur a la crotz clechada, vuidada e pometada de dotze pèças cantonada en cap de doas estèlas, lo tot d’aur.

 

 

 

 

 

 

 

  © J.-P. Fernon

 

 

 

 

 

 

 

  

 

Auton — Octon (Erau) Octon-34-.jpg

Talhat : au premier d’argent au garric de sinòple, au segond de vermelh a la crotz clechada, vuidada e pometada de 12 pèças d’aur ; a la cotissa en barra d’argent cargada dau mot ALOUTOU de negre brocant sus la linha de particion.

 

 

 

 

 

 

 

 

 

 

 

 

 

 

 

 

Averan — Averan (Auts Pirenèus)

D’azur au mont cordurat de sinòple encimelat d’un ors passant de negre entre dos aubres tanben de sinòple, acompanhat en cap d’una croseta clechada, vuidada e pometada de dotze pèças de vermelh.                       

 

  • BIARS — BIAS (Òlt e Garona) Bias-47.jpg

Talhat : au premier d’azur plen, au segond de vermelh a la crotz clechada, vuidada e pometada de dotze pèças d’aur ; a la barra d’argent brocant sus la particion, cargada de tres aucèus contornats volants de negre.

 

 

 

 

 

 

  © J.-P. Fernon

 

 

 

 

 

 

 

 

 

 

•  BLANHAC —  BLAGNAC (Nauta Garona)

Partit : au premier de vermelh a l’escuçon cordurat tanben de vermelh a la crotz clechada, vuidada e pometada de dotze pèças d’aur, au segond d’azur a l’escuçon cordurat partit au I tanben d’azur semenat de flordalís d’aur e au II semenat de castèus donjonats d’aur duberts tanben de vermelh e maçonats de negre ; ai doas claus adorsadas e entrebescadas brocant subre la particion.

 

Bolhargas — Bouillargues (Gard) Bouillargues

Talhat : au premier de vermelh a la crotz clechada, vuidada e pometada de dotze pèças d’aur ; au segond dau meteis au ficheiron de gardian camarguen soudat d’argent.

 

 

 

 

 

 

  © J.-P. Fernon

 

 

 

 

 

 

 

 

 

 

 

Brassac — Brassac (Tarn e Garona) Brassac 82

Trencat : au premier d’aur a la gralha de negre becuda e membrada de vermelh, au segond d’argent au carrèu de juec de cartas de vermelh ; a la benda dau meteis cargada en cap d’una croseta clechada, vuidada e pometada de dotze pèças d’aur, d’a plomb, e en poncha d’una garba de blat tanben d’aur, ligada de sinòple e pausada d’a plomb.

 

 

 

  © J.-P. Fernon

 

 

 

 

 

 

 

 

 

  BRUGUIÈRAS - BRUGUIERES (Nauta-Garona)

Escartelat au premier e au quatren d'azur a la crotz clechada, vuidada e pometada de dotze pèças d'aur; au segond e au tresen de vermelh ai tres bendas tanben d'aur.

 

 

 

BuÒuS — BuOuX (Vauclusa) Buoux-84.jpg

De vermelh au pònt de doas arcas d’aur maçonat de negre acompanhat a dèstra d’una croseta clechada, vuidada e pometada de dotze pèças tanben d’aur.

 

 

 

 

 

 

 

 

  © J.-P. Fernon

 

 

 

 

 

 

 

 

 

 

 

 

 

CAÜSAC DE VERA — CAHUZAC SUR VÈRE (Tarn) Cahuzac sur V-re 81

De vermelh a la crotz clechada, vuidada, pometada de dotze pèças d’aur, sostenguda d’un caüs cordurat de negre; au cap cordurat d’azur cargat de tres flordalís.                                   

 

 

 

 

 

 

  © J.-P. Fernon

 

 

 

 

 

 

   

   

Campistrons — Campistrous (Auts Pirenèus)

D’argent au mont de sinòple encimat d’un aubre dau meteis costejat de dos ases afrontats de negre; au cap d’azur cargat d’una croseta clechada, vuidada e pometada de dotze pèças d’aur e costejada de doas estèlas dau meteis.

 

CARSAC-ALHAC — Carsac-Aillac (Dordonha)  

Escartairat : au premier e au quatren de vermelh a la crotz clechada, vuidada e pometada de dotze pèças d’aur, au segond de vermelh au leon d’aur, au tresen tanben de vermelh au gau ardit d’argent.

 

Castèl-sarrasin — Castelsarrasin (Tarn e Garona) Castelsarrasin

D’azur au castèu donjonat de tres torres d’argent maçonat de negre, subremontat d’una tèsta de moro cordurada de negre ligada d’argent; au cap cordurat de vermelh cargat d’una croseta clechada, vuidada e pometada de dotze pèças d’aur.

 

 

 

 

 

  © J.-P. Fernon

 

 

 

 

 

 

 

 

 

 

 

 

Castilhon de Savés — Castillon-Savès (Gèrs) Castillon-saves-32.jpg

Escartairat : au premier d’argent au leon de negre, lampassat e coronat de vermelh ; au segond d’azur ai quatre faissas d’argent, au tresen d’azur au pau d’aur, au quatren dau darrier au leon de vermelh armat e lampassat d’azur emponhant una espasa dau meteis ; sobre lo tot de vermelh a la crotz clechada, vuidada e pometada de dotze pèças d’aur.

 

 

 

  © J.-P. Fernon

 

 

 

 

 

 

 

 

 

 

 

 

Cailutz — Caylus (Tarn e Garona) Caylus-82.jpg

De vermelh au castèu de tres torres d’aur maçonadas de negre, subremontat d’una croseta clechada, vuidada e pometada de dotze pèças tanben d’aur ; au cap cordurat d’azur cargat de tres flordalís d’aur.                        

 

 

 

 

 

  © J.-P. Fernon

 

 

 

 

 

 

     

 

Ceirèsta — Céreste (Aups de Provença Auta) C-reste-04.jpg

D’aur a la crotz clechada, vuidada e pometada de dotze pèças de vermelh.

 

 

 

 

 

 

 

 

 

  © J.-P. Fernon

 

 

 

 

 

        

 

 

Clarmont de Savés — Clermont Savès (Gèrs) Clermont-Saves-32.jpg

Terciat en pali reversat : au premier d’aur au leon de vermelh armat e lampassat d’azur tenent una espasa dau meteis, au segond de vermelh a la crotz clechada, vuidada, pometada de dotze pèças d’aur, au tresen d’azur au mont de tres pugets d’argent.

 

 

 

 

 

  © J.-P. Fernon

 

 

 

 

 

 

  

 

     

Còrdas d’Albigés — Cordes SUR CIEL (Tarn) Cordes-81.jpg

De vermelh au castèu donjonat d’argent movent de la poncha, dubert dau camp e maçonat de negre, subremontat d’una crotz clechada, vuidada e pometada de dotze pèças d’aur; au cap cordurat d’azur cargat de tres flordalís d’aur.

 

 

 

 

 

 

  © J.-P. Fernon

 

 

 

 

 

 

 

 

 

 

Confolèuç — Coufouleux (Tarn)

 D’azur au pali ondat d’argent acompanhat en cap d’una bilheta dau meteis, a dèstra d’una flordalís d’aur e a senèstra d’una croseta clechada, vuidada e pometada de dotze pèças dau meteis.

 

Cornhon — Courniou (Erau)

 Trencat : au premier de vermelh a la crotz clechada e pometada de dotze pèças d’aur, au segond ai tres castanhas au naturau ordenadas en òrle ; a la cotissa d’argent brocant subre la particion ; au cap de negre cargat d’una ratapenada d’argent.                     

 

 

DEMÚ — DÉMU (Gèrs) Demu-32.jpg

Escartairat : au premier d’argent au leon contornat de vermelh, au segond dau meteis a la crotz clechada, vuidada e pometada de dotze pèças d’aur, au tresen de vermelh au leon d’aur, au quatren d’argent a la torre de vermelh maçonada de negre, duberta e fenestrada dau camp.

 

 

 

 

 

 

  © J.-P. Fernon

 

 

 

 

 

 

 

DÒNAVILA — DONNEVILLE (Auta Garona) 

D’azur a la crotz clechada de vermelh bordada e pometada de dotze pèças d’aur, costejada de doas espigas de blat dau meteis amb la tija plegada vèrs la poncha.

 

ENDOFIÈLA — ENDOUFIELLE (Gèrs) Endoufielle-32.jpg

Terciat en pali reversat : au premier de vermelh a la crotz clechada, vuidada e pometada de dotze pèças d’aur, au segond d’argent au leon de vermelh, au tresen d’azur a la garba de blat d’aur ligada de vermelh.

 

 

 

 

 

 

 

 

 

 

 

 

 

 

 

 

 

FANJAUS — FANJEAUX (Aude) Fanjeaux-11.jpg

De vermelh a la crotz clechada, vuidada e pometada de dotze pèças d’aur; au cap cordurat d’azur cargat de tres flordalís tanben d’aur.

 

 

 

 

 

 

 

 

 

 

 

 

 

 

 

 

 

 

FREGOVIÈLA — FREGOUVILLE (Gers) Fr-gouville-32.jpg

D’azur au mont de tres pugets d’argent cargat a dèstra d’una glèisa e a senèstra d’un castelet, lo tot de negre dubert tanben d’argent ; au cap de vermelh cargat d’una crotz clechada, vuidada e pometada de dotze pèças d’aur moventa de la linha dau cap.

Partager cette page

Repost 0
Published by