Overblog Suivre ce blog
Editer la page Administration Créer mon blog

Presentacion

  • : ERALDICA OCCITANA
  • ERALDICA OCCITANA
  • : Aqueste blòg a per tòca d'estudiar e de presentar l'istòria e lo patrimòni eraldic occitan. L'espaci estudiat s'espandis sus l'ensemble del domeni de la lenga d'òc de l'Auvernha als Pirenèus e de l'Ocean Atlantic als Alps. L'epòca privilegiada es l'Edat-Mejana (12en-15en sègles) sens, çaquelà, daissar los sègles seguents dins l'ombra. JONHÈTZ-NOS e participatz al projècte !
  • Contact

Recèrca

/ / /

Una centena de comunas e sèt despartaments occitans an, dins sei armariás, una crotz clechada, vuidada e pometada de dotze pèças mai conoissuda dau public per son nom de crotz de Tolosa. Lo mai sovent figurada dins son vestit costumièr d’aur sus un camp de vermelh, si pòu presentar tanben dins d’autreis esmauts : l’azur per Auradèr, Genolhac, Lo Crèst ò Gralhen, ò lo negre per Lavernòsa-Lacaça e Metàmias.

 

La-crotz-occitana-dins-l-eraldica-institucionala--Despartam.jpg
 

Dins tot l’espandi occitan es ela que ven afortir, sus lo blason dei grandei comunautats urbanas coma dei mendrei vilatjons (d’unei que i a còmptan pas mai de quauquei desenas d’abitants), que durant un millenari a quicòm près i aguèt aicí — dis Aup i Pirenèu — coma vouguèt l’afortir lo poèta de Malhana, una astrada comuna, amb una lenga comuna dins l’arc-de-seda de sa diversitat dialectala. Una astrada e una istòria que ne pòrtan testimònis encara uèi lei muralhas de nòstreis vilas, lei castèus, lei glèisas e totei lei monuments dau patrimòni bastit dei país d’Òc tant coma leis armariás comunalas, tròp sovent ailàs neglegidas, oblidadas ò ramplaçadas — sot l’escampa d’una faussa modernitat — per de logos d’una eficacitat mau-segura.



Lei blasons representats aicí son estats dessenhats per Jean-Paul Fernon qu’avèm consultat tamben per quauquei precisions tocant d’unei blasonaments, e que remerciam a la fes per son gentum, sei competéncias e sa totala disponibilitat.



Aquí doncas la tièra dei despartaments e dei comunas qu’arboran una crotz de Tolosa dins seis armariás, e lo blasonament que prepausam d’aqueleis armariás.



  

  

DESPARTAMENTS

 

 

 

 

AUDE - De vermelh a la crotz clechada, vuidada e pometada de dotze pèças d’aur ; a laAude.jpg bordadura carnelada d’argent.

 

  © J.-P. Fernon

 

 

 

 

 

 

 

 

 

 

 

 

 

 

 

  

• AUPS AUTS - Partit : au premier de vermelh a la crotz clechada, vuidada e pometada deHautes-Alpes.jpg dotze pèças d’aur, au segond d’aur au daufin d’azur ambé leis alas, la barba, lei gaunhas, la crèsta, leis escaumas e la coa de vermelh ; lo tot subremontat d’un cap d’azur semenat de flordalís d’aur.

 

  © J.-P. Fernon

 

 

 

 

 

 

 

 

 

 

 

 

 

• AUTA GARONA - De vermelh a la crotz clechada, vuidada e pometada de dotze pèçasHaute-Garonne.jpg d’aur, cantonada de quatre otèlas d’argent adorsadas e pausadas en sautor.

 

  © J.-P. Fernon

 

 

 

 

 

 

 

 

 

 

 

 

 

 

 

 

• GARD - De vermelh a la crotz clechada, vuidada e pometada de dotze pèças d’aur ; au capGard.jpg engrelat d’argent

 

  © J.-P. Fernon

 

 

 

 

 

 

 

 

 

 

 

 

 

 

 

 

 

• ERAU - D’argent au tortèu de vermelh cargat d’una crotz clechada, vuidada e pometada deHerault.jpg dotze pèças d’aur.

 

  © J.-P. Fernon

 

 

 

 

 

 

 

 

 

 

 

 

 

 

 

 

 

• TARN - D’aur au cap-pau, cargat d’una crotz clechada, vuidada e pometada de dotze pèçasTarn.jpg d’aur.

 

  © J.-P. Fernon

 

 

 

 

 

 

 

 

 

 

 

 

 

 

 

 

 

• TARN E GARONA - Copat : au premier de vermelh au leopard armat e lengat d’azur, auTarn-et-Garonne.jpg segond tanben de vermelh a la crotz clechada, vuidada e pometada de dotze pèças d’aur.

 

 

  © J.-P. Fernon



 

 

 

 

 

 

 

 

 

 

 

 

 

 

 

 

 

 

 

 

 

 

Partager cette page

Repost 0
Published by